Sunday, September 16, 2018

Blog or Website Ka Member Kaise Bane?

Dosto kisi bhi blog ya website ko subscribe karna bahut easy hai. Lekin bahut se log iske bare me janna chahte hain ki blog ko subscribe kyo karte hain. Blog par sign up karna ya blog or website ko subscribe karna us site ya blog ka member banana hai. Isse pehle maine Youtube channel ka member kaise bane post me subscription ke bare me detail se bataya hai. Internet par bahut sare blog hain. Hum daily bahut se blog or website par visit karte hain. Jinme se bahut si website hume pasand aa jati hai aur unki new post ko bhi hum padhna chahte hain. So websites ki new post ki jankari apne email inbox me pane ke liye hume us site ko subscribe karna padta hai.

how to subscribe a blog aur website, kisi bhi website ko subscribe kaise kare, kisi bhi blog ki sadasyata kaise le

Bahut si site par aapne Sign up with email address, Get free News Alert, Enter your email id and get notification free, Sign up Today etc. subscribe box ke sath likha dekha hoga. Bahut se blog par to hindi me bhi likha hua hota hai ki “apne email inbox me new post ke notification prapt karne ke liye humare blog ke newsletter ko subscribe kare. Jaisa aap mere blog ki sidebar me dekh sakte hain.

Blog or Website Ko Subscribe Kyo karte Hai

Blog ko subscribe kyo kare iske bare me maine upar hi bata diya hai aur aap samajh bhi gaye honge. Blog ko subscribe karne se site owner ko bhi fayda hota hai aur subscribe karne wale ko bhi fayda hota hai. Site owner ko yah fayda hota hai ki uske subscriber badhte hain. Jisse uski site par traffic increase hota hai. Subscribe karne wale ka fayda yah hota hai ki usko time par apne manpasand blog post ki jankari email ke dwara de di jati hai. So blog ko subscribe karna dono paksh ke liye labhdayak hai.
Kisi bhi site ko subscribe karne me koi burai nahi but ek bat dhyan rahe ki jis site ko aap sign up kar rahe hain uske bare me achchi tarah jankari kar le ki fake site to nahi hai. Bahut si website aisi hoti hain jo user ki information ko chura leti hain aur usko internet par public kar deti hain. Jisse aapke email id par bahut sare spam mail aate rahte hain. So apne anubhav se gyat kare ki jis webstie ko aap subscribe kar rahe hain kahi wah scammer’s ki site to nahi hai. Bahut si site aapke computer or mail par virus aur malware send kar deti jo aapke privacy ko nuksan pahuncha sakti hai. Isliye isse sawdhan rahe.

Kisi bhi fake site dwara bheje gaye email attachment ko open na kare kyoki aapke computer aur account ki personal information hack hone ka khatra badh jata hai. Apni Email Id Ko Hack Hone Se Kaise Bachaye Iske bare me main aapko pehle bhi bata chuka hu. Ab main aapko Blog or website ko subscribe kaise karte hain ke bare me bata raha hu.

Website Ya Blog Ko Subscribe Kaise Kare

Note -
bahut si website par subscription available nahi hota hai jinko hum subscribe nahi kar sakte hain.
kai site aisi bhi hoti hain jinpar newsletter nahi hota hai jiske karan wah signup suvidha provide nahi kar pati hain. Isliye subscribe karne ke bare me sochne se pehle hi us website par subscribe box ke bare me pata kar le.
Sabse pehle us Blog ya website par jaye jisko aap subscribe karna chahte hain.

Ab us site par subscribe box dekhe kaha par hai. agar aap subscribe box ke bare me nahi jante hain to niche image me dekh sakte hain.

kisi bhi blog ya website ka member kaise bane, blog ko subscribe karne ka tarika


Iske bad subscribe box (Newsletter) me apna Name aur Email id type kare. Bahut si site par sirf mail id type karni padti hai.
Iske bad SUBSCRIBE YA SIGN UP Button par click kare ya Enter Press kare
Ab aapko ek capatcha code bharne ke liye kaha jaye so use bhare
Finally SUBSCRIBE NOW ya SUBMIT par click kare
Is step ko puri karne ke bad aapke mail par ek confirm (verification) link aayega us link par click karke subscription ko complete kare.

Ab aapne successfully blog ko subscribe kar liya hai. ab jab bhi us site par new post publish ki jayegi to aapke Email par massage aajayeg.
Dosto mujhe ummid hai ki aap blog or website ko subscribe karne ke bare me sikh gaye honge. Agar koi samasya aaye to aap comment me puch sakte hain. Agar humari post aapko pasand aayi ho to facebook aur anya social site par share jarur kare tatha aisi hi new post ki jankri apne email par pane ke liye humare blog ko bhi subscribe kar le. Ye jankari kaisi lagi comment me apni ray jarur de.
    Previous Post
    Next Post
    Related Posts

    0 Comments: