Friday, September 14, 2018

Blog Ko SEO Friendly Kaise Banaye - 11 Badhiya Tips Hindi Me

Blog ko seo friendly kaise banaye is full guide me mei aapko kuch important tips bata raha hun jo aapke blog ko seo friendly banana me sahayak hongi. Bahut se balogger blog banane ke bad seo friendly post nahi likhte hai isliye wo seo ko follow nahi kar pate hain aur ye aap achi tarah jante hain ki jo blogger seo ko follow nahi karta hai wo blogging karne me kafi pareshani uthata hai aur aakhir me blogging chhod deta jata hai. So aaj hum baat karenge blog ko seo friendly kaise banaye. How to make SEO friendly blog in hindi.

blog ko seo friendly kaise banaye blogger blog ko seo friendly banane ki puri jankari

blogger par koi bhi blog bana sakta hai because yah ek free platform hai.Wordpress ki tulna me blogger par blog banana bahut aasan hai But blogging karna bahut aasan nahi hai. Blogging hard work mangti hai isliye blogging ke liye mehnat karni padti hai.

Blog Me SEO ko Follow Nahi Karne Par Kya Nuksaan Hai ?

Aap jante hain ki blogger par koi bhi blog bana sakta hai because yah ek free platform hai.Wordpress ki tulna me blogger par blog banana bahut aasan hai. Agar aap SEO yani Search Engine Optimization ke bare me nahi jante hain to aapko iske bare me janna bahut jaruri hai kyonki traffic badhane ke liye blog seo friendly banana bahut jaruri hai. Aap dekh rahe honge ki jo blogger success hue hai aur unke blog par jo traffic ki bharmar hai to uski wajah SEO ko follow karna hai.agar aap bina SEO ko follow kare 100 post likhne se behtar hai aap 10 post seo ko follow karke likhe. Jitna traffic aap bina SEO ko follow kare likhi gai 100 post se receive karne ki ummid karte ho usse jyada aap 10 SEO Friendly post se receive kar sakte hai.
Blog par jyada se jyada post write karna bahut acha hai But bahut se Bloggers SEO, Keyword, high quality content aur search engine rules ko follow kare bina ek ke bad ek post likhte hain. Ye blog par kachara ikattha karne jaisa hai jo bad me fekne ke alawaa aur kuch kaam nahi aata hai. “Blog par Traffic kaise badhaye?” ye sawal jyadatar veh bloggers karte hain jo apne blog par SEO ki guidelines follow kare bina post likhte hai. Ye baat 100% sahi hai ki jo bloggers SEO ko follow karte hain unke blog par traffic increase hota hai.

Blogging me Success nahi hone ka main reason traffic ka nahi hona hai. Because Blog nirbhar hai traffic par agar traffic hai to blog hai nahi to aap ise be-log kah sakte hain. Bilkul clear hai ki jaha par log hote hain waha shahar basta hai.

Agar aap Blogger hai aur apni blogging ke bare me serious hain to aapko SEO ko halke me nahi lena chahiye kyonki SEO (search engine optimization) site ke liye aisa hai jaise blind man ke liye eyes, bina eyes ke blind man chal to sakta hai lekin rasta bhatak jayega use apni manzil tak pahunchne ke liye sahare ki jarurat padegi. Isi tarah agar aap apne blog ko SEO Friendly nahi banate hain to aap thode din tak blog to chala sakte hai but apne target ko achive karne me aap bich me hi fail ho jaoge. World me jitney bhi success bloggers hai wo sabhi SEO ko follow karte hain.

Blog Ko SEO Friendly Kaise Banaye Full Jankari Hindi Me

Search engine optimization humare blog ke content ko search engine me show karta hai to hum jitna search engine friendly content apni post me use karenge uske hisab se humari post search engine me apni jagah banati hai. Blogging me aap jitni mehanat karoge utna sekhoge kyonki aadmi jis line ki mehant karta hai us line ka gyan bhi dhire-dhire aata rahta hai. Blogging me aap jitna time doge utna hi seekhoge.
Ab aap blog ko SEO friendly banane ke points par dhyan dijiye ki kaise hum apne blog ko search engine friendly banakar toplist me jagah bana sakte hain.

1. Blog Homepage

Blog ke homepage ko bhi SEO friendly banana chahiye Because search engine aapke blog homepage ko bhi index karta hai isliye homepage par jyada bhar na dale befaltu aur bina jarurat ke widgets homepage par add na kare. Blog homepage par humesha halke-fulke Responsive social follow widget add karne chahiye. Blog header image ki size kam rakhe taki aapke blog ki speed achhi bani rahe. Homepage par minimum 7 main post rakhe iske sath-sath homepage ki looking ka bhi dhyan rakhe blog homepage ki looking attractive aur simple honi chahiye.

2. Template And HTML Code

Blog ki template me coding me bina befaaltu ke code add na kare isse aapke template ki flexibility kharab ho sakti hai. Template me se kisi bhi code ko delete na kare. Bahut se new bloggers template me se credit link ko chupane ke liye credit code delete karte hain jiske sath-sath aur bhi code delete ho jate hai. Iske bad unki template to save ho jati hai lekin template me code ke aage piche hone se template ki loding speed kam ho jati hai.

Isliye ek SEO friendly aur responsive template select karke ek bar me apne blog template ki dhyan se editing kar le . template ki bar-bar editing karne se template ki coding bigdne ka khatra rahta hai.

3. Blog Looking (Template Design)

Blog banan ke bad hum apne blog me template upload karte hain aur ye bat aap achhi tarh jante hain ki aap jaisi template upload karoge waisa hi aapke blog ka deisgn hoga to aapko ek bar decide kar lena chahiye ki aapko apne blog me kaunsi template use karni hai kyoki bar-bar template change aur upload karna aapke blog ke liye nuksanddayak ho sakta hai aur aapke template ke jaruri code delete ho jate hai. Blogging me success hone ke liye aapke blog ka look bahut mayne rakhta hai isliye aap apne blog ka ek alag aur khas look banaye jisko visitor dekhkar pasand karne lage. Aapko free template website par ache design wali bahut se template mil jayengi unme se aap achi si SEO friendly template download kar le.

4. Meta Tags Codes

Template upload karne ke baad use SEO friendly banane ke liye usme kuch code add karne hote hain jo search engine ko humare blog ke bare me jankari dete hain ki ye blog kisne banaya hai, is blog ki language kaunsi hai, contry kaunsi hai, blog title kya hai yani blog kis topic par likha gaya hai aur blog me kaunsi category (Subject) ke upar jankari share ki jati hai. Bahut se new blogger meta tags code add karne ke bad template change kar dete hain jisse template me se ye code delete ho jate aur inko doabara se add nahi karne par search engine blog ko samajh nahi pata hai.
Blogger me new post likhte time aapko search description use karni chahiye jise Post Meta Tags kahte hain jo aapke blog post ko SEO friendly banati hai jisse search engine aapki post ko jaldi samajh sakega aur aapke blog ki traffic badhegi. Yad rahe search description me post se related words use kare agar aap post se hat kar word likhoge to search engine aapki post ko ignore kar dega.

5. Creat Blog Sitemap

What is sitemap: Sitemap ka matlab hota hai aapke blog ka naksha jisme aapke blog ke posts aur pages ki url links hoti hain. Jab bhi aap new post karte hain to Sitemap us post ke link ko bhi automatic index kar leta hai is tarah se aap jitni bhi post karte jaoge sitemap aapke blog ki sabhi posts ko ek jagah collect kar lega. Jisse search engines ko aapke pura data ek jagah par mil jata hai jisse search engine ko aapke blog ko jyada khojne ki jarurat nahi hoti.

How to create sitemap: Blog ka sitemap banane ke liye aapko online bahut si website mil jayengi jinme free aur paid dono service hai. Lekin agar aap blogging me new hai to free sitemap banane wali site se hi sitemap creat kar le. Jyadatar bloggers free sitemap free website se sitemap banakar use karte hain aur mein khud bhi free sitemap use karta hun.

6. Submit Sitemap In Search Console

Blog ke sitemap banane ke baad sitemap ko search console yani webmaster tools me submit karna padta hai jab hum sitemap ko search console me submit kar dete hain to search engine humare blog ki post ko jaldi index kar leta hai jisse blog ki traffic ranke increase hoti hai. Isliye har blogger apne blog ka sitemap banakar search console me submit karta hai. Agar aapne apne blog ka sitemap search console me submit nahi kiya hai to aap abhi sitemap banakar submit prakriya puri kar dijiye.
Agar sitemap submit karte waqt koi error aa jaye to dobara se sitemap creat karke fir se submit kare aur ek do hours baad sitemap ko check karke dekh le ki sitemap submit hua hai ya nahi. Sitemap submit hone ke baad aapki post ko pending me dikhayega lekin kuch hours baad aapke post ko index kar lega.

7. Verify Blog To Search Engine

Blogger me Meta Tags Code add karne ke bad teesra kaam blog ko search engines me submit karna hai. Agar aap chahte hain ki aapke blog ko jyada se jyada search engine me show kiya jaye to aap blog ko google, yahoo, bing, ask aur bhi bahut se search engine se submit kare. Blog ko search engine se verify karna SEO ko follow karne ka ek hissa hai jitney bhi search engine par aap blog ko submit karoge aapke blog par utna hi traffic badhega.

8. Make SEO Friendly Image

Blogger me image ki bahut aham bhumika hoti hai isliye post me SEO friendly image use kare. Image ki size, looking and optimization ko dhyan me rakhte hue post me upload kare. Jarurat ke hisab se image use kare bina jarurat ke image post me use na kare isse aapki post ki loading speed kam hoti hai.

9. Use Keyword In Post

Keyword Kya Hai: jab hum search engine me koi bhi topic search karte hain to jo words highlight hote hain ya bold hote hai unhe keyword kahte hain. Aise word jo humari post ke andar ho aur un words ko search engine me search karenge to agar aapki post ke keyword SEO ko follow karke use kiye gaye ho to search engine me aapki post sabse upar show hogi.

Aap keyword ko post title, subheading, minor heading aur post content me use kare. Aapki post me jitney jyada keyword honge aapki post ki search ranking utni badhegi.

10. Write Unique Post Content

Agar aap search engine se jyada traffic pana chahte hain to aapko apni post me minimum 1000+ words hone chahiye isse jyada aap kitne bhi badha sakte ho. Aap jitney jyada word me apni post me use karenge to aapki post me keywords bhi jyada badhenge jisse aapki post search engine me top par aayegi . Aap jante hain internet par aapki jaisi post bahut mil jayengi isliye agar aapki post me content kam hua to aapki post Search engine me un post se piche rah jayegi aur search engine aapki post ko chhod un post ko show karega jinme content jyada hai.
Aapse mei ek baat kahna chahunga ki aap post me aise content likhe jise dekhkar readers apni najar na hata sake misaal ke taur par kisi ko bahut tej peshab lag raha ho aur wo aapki post ko padh raha ho aur aapki post me usko maja aa raha ho isliye wo peshab karne bhi nahi ja raha ho yani ki wo aapki post padhne ke baad hi peshab kare chahe uska peshab paint me nikal jaye.

11. Share Post On Social Media

Aap jante hain ki social media par log bahut jyada sakiry rahte hain isliye social media par post ko share kare taki logo ko aapki post ke bare me pata chal sake isse aapke blog ki traffic badhegi. Post ko social media par share karne par log jarur visit karte hain chahe aapki post achhi bhi nahi ho. Social media blog ke permotion ka kaam karta hai. Isliye better traffic pane ke liye social media par post share karna ignore na kare.
Blog ko SEO friendly kaise banaye ke bare me maine jo tips upar batayi hai inko follow karke aap apne blog ko jaldi hi search engine me show kar sakte hain. agar iske alawa aur bhi kuch blogger blog ko seo friendly banane ke bare me aapke paas ho to aap hume comment me bata sakte hain. agar aap humare blog par post likhna chahte hain to aap hume contact form me msg kar sakte hai. Agar ye post aapke liye upyogi hai aur aapko isse kuch fayda hua hai to aap apne dosto ke sath share kare aur agar aapka koi aur sawal ho to aap comment box me puch sakte hain. Good luck!
Previous Post
Next Post
Related Posts

0 Comments: